II-Хомустахская сельская библиотека

Е.П.Сивцев аатынан 2 Хомустаах орто оскуолатыгар Үөрэнээччилэргэ төрөөбүт тыл сүмэтин, эриэккэһин, кэрэтин иҥэрэр, Ийэ тылынан киэн туттар, өрө тутуу,туттуллар эйгэтин кэҥэтэргэ туруулаһар, үлэлэһэр соруктаах, Улуу Кыайыы 80 сылын чэрчитинэн, «Төрөөбүт тыл түмэр түһүлгэтэ» тэрээһиннэрин олунньу ый 10-14 күннэригэр өрө күргүөмнээхтик тэрийэн ыыттыбыт. нэhилиэгин төрүттэммит күнүн кытта ситимнээн,  Саха тылын, суругун-бичигин күнүгэр аналлаах «Төрөөбүт төрүт түhүлгэм» нэдиэлэ чэрчитинэн,  олунньу ый 10 кунугэр, 2 Хомустаах Е.П.Сивцев аатынан 2 Хомустаах орто оскуолатыгар бүгүн нэhилиэкпит, оскуолабыт историятын, дьоммут-сэргэбит олоҕун сырдатар истиэндэ арыллыыта буолла. Бу улахан үлэни  салайан, Саха Республикатын үөрэҕириитин туйгуна, 2Хомустаах нэhилиэгин уонна түмэлин салайааччыта Сивцева Надежда Ивановнаҕа ис сүрэхпититтэн махтанабыт! Маны таhынан, бу өр сылларга нэhилиэкпит олохтоохтороыра оҥостон күүтэн, 2012 сыллаахха саҥа таас оскуола үлэҕэ киириитин көрдөрөр фотовыставканы суруктаан-бичиктээн оҕолорго сырдаттыбыт.  

 Олунньу ый 11-12 күннэригэр «Улуу Кыайыы 80 сылыгар уонна көлүөнэлэр ситимнэрин» сылыгар аналлаах «Улуу Кыайыы туһугар уһансыы туһугар» сахалыы тылынан кэмпириэнсийэ ыытылынна. Кэмпириэнсийэ 2 күн икки бөлөххө араарыллан ыытылынна. Үөрэнээччилэр дьиэ кэргэттэригэр, төрүттэригэр Аҕа дойдуну көмүскүүр улуу сэриигэ кыттыыны ылбыт аймахтарын, хос

эһэлэрин, эбэлэрин, абаҕаларын, таайдарын туһунан тугу билэллэрин кэпсээтилэр. Барыта уопсайа 70 оҕо кыттыыны ылла. Бары дьиэ кэргэнинэн төрдү-ууһу үөрэтэн,билэн, киэн эйгэҕэ кэпсээтилэр, билиһиннэрдилэр. Кыайыылаахтар Добун суругунан,кыттааччылар бары Туоһу суругунан, Кыайыы бэлиэтинэн наҕараадаланнылар.Олунньу ый 13 күнүгэр сарсыардаттан 6 кылаас үөрэнээччилэрэ, тэрийэр бөлөх анаан тэринэннэр, А.П. Старков дьарыктыыр инструментальнай бөлөҕө тыыннаах доҕуһуолунан сахалыы матыыптары оонньоон үөрэнээччилэри, учууталлары, үлэһиттэри үөрэ-көтө көрүстүлэр.Сүрүн тэрээһиммитигэр үөрүүлээх түгэнинэн эйэҕэс эбээлэрбит алгыстаах алаадьынан көрсүбүттэрэ барыбытын долгутта. Алаадьы дыргыл сыта салгыны ыраастаан, киһи сүргэтин көтөҕөр. Бу бэлиэ күммүтүгэр уруоктар быыстарыгар сынньалаҥҥа сахалыы остуол оонньуулара көхтөөхтүк барда. Манна биһиги үөрэнээччибит Максимов Дамир «2 Хомустаах – мин дойдум» диэн кыраайы үөрэтэр остуол оонньууларын сэҥээрэн оонньоотулар.

Ону тэҥэ, нэдиэлэ устата сылын аайы ыытыллар «Ноҕуруодаптыы суруйабыт» диэн сахалыы, латыынныы дьыктаан суруйуута буолла. Уопсайа 125 үөрэнээччи кыттыыны ылла. Таба суруйууну, буочар тупсаҕайын саха тылын уонна литературатын учууталлара сыаналаатылар уонна кылаас аайы биирдии кыайыылаахтары быһаардылар: Замятина Таня, Ефимова Кира, Гермогенова Ева, Ширяев Айсиэн, Максимова Мичийэ, Осипова Иванна, Гермогенова Виолетта,

Старкова Айылана, Данилова Алина, Сивцева Наташа  Добун суруктарынан, сэмэй бэлэхтэринэн наҕараадаланнылар. Олунньу ый 4 күнүгэр оҕону сахалыы саҥарарын көҕүлүүр бары кылаастарга «Сахалыы саҥарыахха – сахалыы толкуйдуохха»диэн видеоролик күрэҕин биллэрбиппит. Оҕо төрөөбүт тылын таптыырыгар, харыстыырыгар туһуламмыт 10 видеоролик күрэххэ кииристэ.

Күрэх Эн саха тыла сайдыан туһугар тугу туруулаһаҕын?  Эн саха оҕото сахалыы саҥара улаатыан баҕараҕын? диэн сүрүн толкуйдатар ыйытыылары тула үлэ ыытылынна. Кыайыылаахтарынан буолулар 3, 8, 11 кылаас үөрэнээччилэрэ. Тэрээһиммит түмүгэр бары түмсэн, сомоҕолоһон оһуохайы үҥкүүтүн түстээтибит.

Олуньу 14 күнүгэр 2 Хомустаах орто оскуолын үөрэнээччилэрэ “Таптыыр сахам тылынан” өрөспүүбүлүкэтээҕи аахсыйаҕа кытыннылар. Манна 5, 7, 8 кылаастарга ыытылынна. Уопсайа 38 о5о кытынна.   Олунньу 13 күнүгэр «Төрөөбүт тыл уонна сурук-бичик» күнүгэр аналлаах сылын ахсын ыытыллар «Сахалыы дьыктаан -2025» олохтоох библиотека5а ыытылынна. Быйылгы дьыктааны Улуу Кыайыы 80 сылын көрсө прозаик, драматург, поэт, Аҕа дойдуну көмүскүүр Улуу сэрии кыттыылааҕа, оҕо аймах тапталлаах суруйааччыта Тимофей Егорович Сметанин «Кыайбыттар ыһыахтара» диэн кэпсээниттэн быһа тардыыны суруйдулар. Уопсайа 12 киьи кыттынна. «Бастынтан бастын»-1, «Бастыҥ суруксут» — 8,  «Үчүгэй суруксут»-3 киьи. Хас биирдии кыттааччыга Сахалыы дьыктааны суруйбуттарын бигэргэтэр тyohy сурук туттарылынна. Дьыктааҥҥа көхтөөхтүк кыттыбыт биир дойдулаахтарбытыгар тэрийээччилэр ааттарыттан махтанабыт, бу курдук сахалыы тыл сүмэтин иҥэрэн, өрө тутан инникитин да өрүү көхтөөхтүк кыттыахтара диэн эрэнэбит.