II-Хомустахская сельская библиотека

2005 сыллаахха Арассыыйа бэрэсидьиэнин ыйааҕынан сэтинньи 4 күнэ Сомоҕолоһуу күнүнэн биллэриллибитэ. Онон бу күн дойду үрдүнэн араас норуот сомоҕолоһуутун бэлиэтиир кэрэхсэбиллээх күндү күнүнэн биллэр.
Бу күн чэрчитинэн сэтинньи 3 күнүгэр «В единстве-наша сила» кинигэ быыстапката турда уонна 2 Хомустаах орто оскуолатын үөрэнээччилэригэр «Сомоҕолоһуу — биһиги күүспүт!» диэн өй күрэҕэ буолан ааста. Тэрээһин саҕаланыытыгар Сомоҕолоһуу күнүн историята сырдатылынна. Оҕолор үс хамаандаҕа арахсан оонньоотулар. («Бравл-Старс», «Минионы»,» Единство»). Ыйытыктарга хоруйдаан кыайыылааҕынан таҕыстылар «Минионнар» хамаандалара, иккис миэстэ «Брал-Старс,», үһүс миэстэ «Единство». Оҕолор бары бэйэлэрин дьиннээх патриот быһыытынан көрдөрдүлэр. Хас биирдии хамаанда грамотанан уонна кыра бирииһинэн күндүлэннэ. Кыттыбыт хамаандаларга барыларыгар тэрийээччилэр ааттарыттан махталбытын тиэрдэбит.