II-Хомустахская сельская библиотека

Рядовой Протопопов Никита Александрович кулун тутар 29 күнүгэр 1986 сыллаахха Нам улууһун Хомустаах 2-с нэһилиэгэр күн сирин көрбүтэ. 2023 с баҕа өттүнэн Российскай Федерация оборуона Министиэристибэтин иһинэн тэриллибит этэрээтигэр киирэн быстах байыаннай дьайыыга алта ыйга кыттыбыта. Манна кини пехотнай сулууспаҕа сылдьан бэйэтин кыаҕын көрдөрөн разведчиктар группаларын командирынан анаммыта. Элбэх ситиһиилээх байыаннай операция түмүгүнэн, «За Отвагу» диэн Российскай Федерация орденынан на5араадаламмыта. Саха сиригэр этэннэ эргийэн кэлбитин кэннэ үчүгэй сулууспатын уонна ситиһиилээх байыаннай операцияларын иһин Саха Өрөспүүбүлүкэтин Ил Дарханын илиититтэн «За Мужество» Российскай Федерация үрдүк наҕараадатын туппута. 2024 с иккиһин Нам военкоматынан биир сылга контракт баттаан штурмовигынан барбыта. Ахсынньы 27 күнүгэр, байыаннай кимэн киириигэ, бэриллибит сорудаҕы толорууга быстах байыаннай дьайыы буола турар Украина, Донецкай уобалаһын Старомайорскай дэриэбинэтин диэки байыаннай кимэн киириигэ сураҕа суох суттэ диэн биллэрии кэлбитэ. Быстах байыаннай дьайыыга олоҕун толук уурбут дьоруой уолбутугар Протопопов Никита Александрович аатын үйэтитэн Евсей Павлович Сивцев аатынан 2-с Хомустаах орто оскуолатыгар, бииргэ улэлээбит оскуолатын коллектива дьоруой аатынан паарта туруордулар.