II-Хомустахская сельская библиотека

Тохсунньу 27 күнүгэр улуус дьаһалтатын 2024 сыллаа5ы үлэтин отчуоттуур мунньаҕа 2 Хомустаах нэьилиэгэр ыытылынна. Отчеттуур бөлөҕү улуус баһылыгын бастакы солбуйааччыта  Анатолий Павлов салайар. Мунньахха уопсайа 42 киһи кытынна. Тэрээһин ааспыт халаан уутуттан чөлүгэр түһэрии үлэлэргэ кылааттарын киллэрбит  дьону уонна тэрилтэлэри «За вклад в предупреждении и ликвидации ЧС» бэлиэнэн уонна улуус баһылыгын Махтал суругунан наҕараадалааһынтан саҕаланна. Салгыы үлэ отчуота видеонан көрдөрүлүннэ.  Ааспыт сыллааҕы улуус баьылыгын отчуотугар боротокуолга киирбит  этиилэр туолууларын иьитиннэрдилэр.

2012 сыллаахха тутуллубут оскуолаҕа хапытаалынай өрөмүөнү ыытыыны, интернат тутуутун түргэтэтэри, бырааьы олохсутууну, толору усулуобуйалаах хотоннору тутууну, үүт тутар пуну үлэлэтиини, инбэлиити көрөр социальнай үлэһити сааһынан хааччахтааьына суох үлэҕэ ылары, киин ититии ситимин ыраастааьыны, сана тутуллан киирбит обьектар вентиляционнай  канализацияларын, фекалкаларын спутнигын өрөмүөннээөини, аллараа нэьилиэктэн көһөрүүнү бырабыытылыстыба таһымыгар сити быһаарары, ыксаллаах быһыыга-майгыга нэһилиэнньэни таһар баржаны туруорустулар. Мунньах кыттыылаахтара  улуус дьаһалтатын үлэтигэр «биьириибит»  диэн сыанабылы биэрдилэр.  Отчуоттур бөлөх салайааччыта Анатолий Павлов бары кыттыбыт дьоҥҥо махталын тиэртэ, саҥа үүммүт сылга ситиһиилэри баҕарда.