II-Хомустахская сельская библиотека

Балаҕан ыйын 20 күнүгэр 2 Хомустаахха Улуу Кыайыы 80 сылынан, нэһилиэкпитигэр  «Улуу Кыайыы уонна көлүөнэлэр ситимнэрэ» сылларыгар аналлаах «Үүнэ-сайда тур-тапталлаах Торуойум» диэн үгэскэ кубулуйбут Нэһилиэк күнэ ыытылынна. Бу күн эбиэт иннинэ ханнык баҕар норуокка, ханнык баҕар дойдуга, улууска нэһилиэккэ киэн туттар дьонноох буоламмыт үйэттэн үйэҕэ кэлэр кэнчээри ыччакка хаалан, ол дьоммут үтүө ааттара ааттанан, умнуллубакка уостан уоска сэһэргээн, кэпсээн үйэтитэн нэһилиэкпитигэр баар үс уулусса биллэр дьоммут: Николай Петрович Габышев, Евсей Павлович Сивцев, Петр Петрович Назаров ааттарынан Куйаар куодтаах табличкаларын оҕолоро: Евсей Павлович Сивцев улахан уола Руслан Евсеевич, Петр Петрович Назаров улахан кыыһа Вера Петровна, нэһилиэкпит ытыктанар киһитэ Петр Егорович Тарскай уонна баһылыкпыт солбуйааччыта Сергей Саввич Никонов үөрүүлээх быһыыга-майгыга тыл этэн, эҕэрдэлээн арыйдылар.

Салгыы «Күһүҥҥү киһи күлбүтүнэн» дьаарбаҥка, «Көмүс күһүн-мин дойдубар» түөлбэлэринэн фотозона, күнүс 15ч.00м көлүөнэнэн «Волейбол» күрэхтэрэ буоллулар. Түөлбэлэринэн фотозона күрэҕэр: 1-кы миэстэ «Дьулуур» түөлбэ; 2-с миэстэ «Сайдам» түөлбэ, 3-с миэстэ «Сатас» түөлбэ буоллулар. Кыайыылаах түөлбэ кубогынан добун суругунан наҕараадаланнылар.Көлүөнэнэн «Волейбол» күрэҕэр оскуола оҕолоро икки команда туруораннар уонна «Илин Мыраан» эдэр ыччат командата буолан оонньооннор: Оскуола оҕолорун иккис командата 1-кы миэстэни ылла, бастакы командата 2-с миэстэни ылла, «Илин Мыраан» эдэр ыччат командата 3-с миэстэни ылла. Кыайыылаахтар бары грамотанан уонна мэдээлинэн наҕараадаланнылар. Киэһэ 20ч.00м эҕэрдэ кэнсиэрт буолла.